Isumassarsiullaqqissumik ataqatigiissaarillaqqissumik assiliartalersuisartussarsiorpugut
Ilusilersukkanut tappillutillu arajutsisassaanngitsunik qarasaasiatigut assiliartalersuineq nuannaraajuk?
Taamaappat Pisiffimmi nioqqutissanut assigiinngitsorpassuarnut ussassaaruterpassuarnullu – soorlu ulluinnarni atortussanut, atisanut, elektroniskiusunut piujuartitsinermullu tunngasuni – suliaqarnissamut periarfissaqarputit. Suliffeqarfimmi ulluni suliffiusartuni suliassat tamatigoortuupput, tassanilu nutaaliorsinnaanissannut kiffaanngissuseqarlutillu Kalaallit Nunaanni nioqqutissat ilisimaneqarnerpaat ilaannut tunngasuni qarasaasiatigut assiliartalersuinermi sunniuteqaqataassaatit.
Makkua suliarisassavatit:
- Pisiniarfinni assigiinngitsuni nioqqutinik ussassaarutini, pisiassanik tuniniaanermi SoMe-lerinermilu atugassanik qarasaasiatigut assiliartalersuineq
- Ilisarnaatitta nioqqutissaatittalu nittartakkakkut assiliartalersorneqarnerisa takorannersuunissaannik qulakkeerinninneq
- Nalunaarutissanik, fjernsynikkut saqqummiussassanik, allagartassanik, allagartarsuassanik poortuutissanillu ilusilersuineq taakkununngalu qarasaasiatigut assiliartalersuineq
- Nittarsaassinermik sulialinnik pisiniarfinnillu ataasiakkaanik qanimut suleqateqarneq
- Takorluukkanik paasiuminartumik nassuiaanertalimmik attaveqatigiinnissamut piujuartitsinerlu tunngavigalugu ingerlatsinermut tapersersuineq
- Nittarsaassinermut najoqqutassiartaanik ilusilersuinissamullu isumassarsianik inaarsaaqataaneq
Naatsorsuutigaarput:
- Naqitanut assiliartalersuisartutut, qarasaasiatigut assiliartalersuisartutut digitalimilluunniit ilusilersuisartutut ilinniagaqarsimasuunissat
- Adobe Creative Cloudimik (InDesign, Illustrator, Photoshop assigisaannilluunniit.) atuillammaanissat
- Nioqqutissanut sullinniakkanullu tunngasunik assigiinngisitaartorpaalunnik suliaqarnermik nuannarisaqartuunissat
- Ilusilersukkat annikitsortaannut, allassimasortaannut oqaluttuassartaannullu tappissuunissat
- Suliassanik nammineerlutit, ataqatigiissumik piffissaliussallu eqqorlugit naammassinnittarnissat – aamma ulluni ulapaarfiusuni
- Digitalimik ilusilersueriaasitaanut silassorissuusianullu alapernaatsuunissat
Neqeroorutigaavut:
- Pisiffimmi nittarsaassisuni pingaarutilimmik inissisimaneq
- Atorfik assigiinngisitaartunik suliassaqarfiullunilu nutaaliornissamut periarfissaqarfiusoq, ullunilu suliffiusartuni tamatigoortunik suliassaqarfiusoq
- Nittarsaassinermut ussassaarinermullu najoqqutassiat assiliartassaannik aalajangeeqataasinnaaneq
- Suliffeqarfik pisoqarfiulluartoq tunniusimasunillu sulisulik
- Pisinnaasat misilittakkallu aallaavigalugit akissarsiaqartitsineq
Atorfik Nuummiippoq, tassanilu suliassat suliffiup avataani suliarineqarsinnaanatik.
Nittarsaassinermi pingaarutilimmik inissisimassaatit pisiniarfippassuarnilu nittarsaassinermut, pisiassanik tuniniaanermut SoMe-lerinermullu tunngasunik suliaqartassallutit. Adobe CC-mik atuillammaavit, annikitsortanut tapissuuit ulapaarnissannullu piareersimavit?
Annerusumik paasisaqarusuppit? Nittarsaassinermi, attaveqatigiinnermi ESG-lerinermilu ingerlatsisumut Tina Hansenimut saaffiginninnissamut tikilluaqqusaavutit mobil +299 29 66 30
Qinnuteqarnissamut killigititaq 31.maj 2026
Taava qinnuteqaatit link ataaniittoq aqqutigalugu nassiuguk
Tusarfiginissat qilanaaraarput!
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.