Bagermester Nuummi qitiusumik iffiorfeqarfitsinnut nutaaliaasumut
Siunissami Kalaallit Nunaanni iffiukkanik pilersuineq ilusilersueqataaffigerusuppiuk?
Kalaallit nunatsinni pisiniarfeqarfiit annerpaartaat iffiorfeqarfimmi nutaaliaasumik pilersitseqqammerpoq, anguniagaralugulu nunatsinnut iffiukkat assigiissaarlutillu qaffasissumik pitsaassuserissaartunik pilersuinissaq.
Ineriartortitsinissamut ilisimaarinnittumik bagermesterissarsiorpugut, suleqatigiit nukittuut suleqatigalugit suleriutsimik sinaakkusersukkamik pitsaasumillu qaffasissusilimmik tunisassiornissamik qulakkeerinnittussamik.
Atorfik pillugu
Tunisassiornermut aqutsisup ataani inissisimassaatit, bagermesteritullu qitiusumik iffiorfeqarfitta ineriartornerani pingaarutilittut inissisimassallutit, iffiukkat sungiusimaneqarluartut aammali nutaaliamik periuseqarluni iffiukkat, amerlasuut pitsaasullu iffiorneqarnerani siuttuuffigalugit sulissaatit. Tunisassiornerup pissusissamisoorlunilu pilersaarutinut naapertuuttumik ingerlatitsisuussallutit.
Akisussaaffeqarfitit ilaatigut makkuussapput:
- Ulluinnarni tunisassiornermik aqutsineq, ilanngullugit tunisassiornermut aqutsisut aamma iffiortunik konditorinilu aqutsineq.
- Tunisassiornerup ingerlarnganik ineriartortitsineq pitsanngorsaanerillu
- Iffiornermi malitassanik ineriartortitsineq nalimmassaanerlu
- Nuummut sineriatsinnullu iffiukkanik tunisassianik pitsaassutsikkullu assigiissaartuunissaanik qulakkeerinnernermik suliaqarneq
- Pisiniarneq aamma akussanik aqutsineq
- Inuussutissalerinermi piumasaqaatinik, eqqiluisaarnermi piumasaqaatinik malittarinneneq aamma aqutsinermi (egenkontrol) atorlugit sulineq.
- Suleriutsinik aaliangersaaneq aamma pitsanngorsaanerit
Suliffeqarfik ineriartortoq tunisassiornerup ingerlanerani aamma sinaakkusersuinermik suliaqarfiusumut ilaalissaatit.
Ujartorpatsigit illit
- Iffiortutut misilittagaqarluartoq, tunisassiorfimmit anginerusumiiusinnaavoq
- Aqutsinermik misilttagaqartutit aamma iffiortut suleqatigiit pilersillugillu aqutsisuuffigisinnaagitit
- Aaqqissuussaasumik suleriuseqartutit aamma tamakkiisumik takunnissinnaallunilu paasinnissinnaaneq
- Ineriartorusussusilik aamma sulinerup ingerlaarfiisa pitsanngorsarnissaannik suliaqarusuttoq
- Suleqateqallaqqissoq suleqatigiinnillu ataatsimoortitsilluarsinnaasoq
Neqeroorutigaarput
- Iffiorfeqarfik nutaaliaasumut sunniuteqarluarsinnaanissamut periarfissaq
- Tunisassiornermut, suleriutsinut toqqagassanullu annertuumik sunniuteqarneq
- Suliffeqarfik pimoorussiviusoq, tapersersorneqarlunilu ineriartortinneqartoq
- Akissarsiatigut misilittakkat aallaavigalugit pilerinartut, suliffimmullu atatillugu najugaqarsinnaaneq
- Pisariaqassappat sulilernermi suliunnaarnermilu angalaneq
- Inuunermi misigisassatsialak, inuttut aamma sulinerup tungaatigut piffimmi immikkuullarissumi
Suliffiup sumiiffia: Nuuk/ Qinngorput
Suliffeqarfik nunatsinni nioqqutissaqarnikkut pingaaruteqartumik inissisimasumut peqataalissaatit iffiukkanillu pilersuinikkut alloriarnermut tulliuttumut peqataassallutit.
Qinnuteqaat
Ullumikkut qinnuteqarit suleqatigiit nukittuut suleqatigilerniarlugit.
Attavigisinnaavat Produktionschef Morten Bøgh Munkholm mobil +299 38 11 12.
Atorfinititsineq isumaqatigiinneq malillugu piffisalerneqassaaq.
Qinnuteqartut akornanni eqqortumik qinnuteqartorqarpat immitsinnut pisinnaatippugut ulluliussaq sioqqullugu atorfinititsisinnaanissatsinnut.
Atorfik qinnuteqarfigerusukkukku qinnuteqaatit naatsumik allaguk, ilinniagaqarsimanerit kiisalu siornatigut suliffigisimasatit pillugit paasissutissanik imaqartoq
Kingusinnerpaamik 30. juni 2026.
Qinnuteqaativit tigunissaa qilanaaraarput!
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.
