Pisiffimmi aningaasaqarnermut immikkoortortaqarfimmi AU-mi ilinniartussarsiorpoq
Kalaallit Nunaanni suliffeqarfiit annersaasa ilaanni aningaasaqarnermik suliaqarnissat kissaatigiviuk – aammalu ilinniartitaanermik akisussaaffilimmik ilikkagaqarfiulluartumik peqarusullutit?
Pisiffik aningaasaqarnermut immikkoortortaqarfimmut AU-mi ilinniartussarsiorpoq, tassani suleqatigiit ilinniagaqarluartut akornanni ilaalissaatit aammalu suliffeqarfimmi angisuumi aningaasaqarnerup qanoq ingerlanneqartarnera pillugu paasisaqarnerulissallutit.
Suleqatigiinnut pingaaruteqartunut ilanngugit
Aningaasaqarnermut immikkoortortaqarfik Pisiffimmi pingaarutilimmik inissisimavoq – uani suliarisarpagut naatsorsuutit, nalunaarsuineq, misissueqqissaarnerit nalunaarusiornerillu.
Ilinniartutut ulluinnarni ingerlatsinermut peqataassaatit aammalu aningaasaqarnermut tunngasuni assigiinngitsuni misilittagaqalersinnaallutit.
Suliassatit ilaatigut makkuupput:
- Ulluinnarni nalunaarsuineq (bogføring) bilaginillu suliarinninneq
- Naatsorsuinerit nikingassutaannik misissuisarneq (afstemning) nakkutiginninnerlu
- Kreditorinik debitorinillu aqutsineq
- Qaammatikkaartumik ukiumoortumillu naatsorsuutit naammassineqarneranni peqataaneq
- Immikkoortortaqarfimmi allaffissornikkut suliassat
Ineriartornerit malillugu akisussaaffiit annertusiartuinnassapput.
Neqeroorutigaavut
Pisiffimmi ilinniartutut inissinneq suliffimmik aallartilluarnissamut pitsaasumik tunngaviliivoq.
- Ilinniartitaaneq aaqqissuulluagaq, sulinikkut ilinniarneq
- Suleqatit pikkorissut ilisimasaminnik avitseqatigiumasut
- Suliffik pitsaasoq suleqatigiinnermut pingaartitsisoq
- Ineriartornissamut periarfissat – suliffimmi inuttullu
- Akissarsiat maleruagassat atuuttut naapertorlugit
Kinaavit?
Aningaasaqarnermut soqutiginnittuuvutit ilinniarnissamullu piareersimallutit – aammalu suliannut akisussaaffimmik tigusisinnaallutit.
Naatsorsuutigaarput:
- Aningaasaqarnermut tunngasumik AU ilinniagaq ingerlakkit imaluunniit aallartinniarlugu
- Kisitsisinut piginnaaneqartutit aaqqissuussamillu suleriaaseqartutit
- Ilinniarusuttutit peqataalluartartutillu
- Namminersorlutit suleqatillu peqatigalugit sulinissaq nuannarisat
- Isummat pitsaasut suleqatigiinnermullu tunniussaqarsinnaasutit
Aallartinneq: Isumaqatigiissuteqarnikkut
Qinnuteqarnissamut killigititaq: 15.juni 2026
Ataavartumik oqaloqatiginnittarpugut eqqortup toraarnissaata tungaanut.
Attaveqarfissaq
Paasisaqarnerorusukkuit, HR-imi siunnersorti Sikkersoq Mathiassen oqarasuaat +299 38 11 80-mut saaffigisinnaavat imal sim@pisiffik.gl
Qinnuteqaat
Qinnuteqaatit CV-llu link ataaniittoq aqqutigalugu quppernerup nassiunneqassapput.
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.
