Torrak Fashion/Pisattat Ilulissani pisiniarfiup aqutsisuatut atorfinigit
Atisalerinermut, niuernermut aqutsinermullu soqutiginnippit?
Suleqatitit peqatigalugit pitsaasunik angusaqarnissat akisussaaffimmillu tiguserusuttuuit? Ulluni suliffiusuni ulapinnermik nuannarisaqartuuit? Taamaappat immaqa tassaavutit Torrak Fashion/Pisattat Ilulissani aqutsisussaq.
Pisiniarfiup aqutsisuatut ulluinnarni ingerlatsinermi, ineriartortitsinermi sulisunillu aqutsinermut pingaarnerpaamik akisussaaffeqassaatit. Aqutsisoqatigiinnut nukittuunut ilanngutissaatit, suleqatigiinneq, siunnersoqatigiinneq ineriartortitsinerlu ulluinnarni pingaaruteqarlutik.
Suliassatit pingaarnerit
- Pisiniarfiup pilerinartumik, tuniniaanissamut piareersimasumik tikilluaqqusisumillu isikkoqarnissaa qulakkiissallugu
- Sulisunik aqutsineq, kajumissaarineq ineriartortitsinerlu
- Tuniniaanermik, sullissinermik pitsaasunillu pisiniartut misigisaqartinnissaannik ineriartortitsineq
- Suliniutinik aallartitsineq kiisalu angusanik malinnaaneq
- Suliffissanut pilersaarusiorneq ataatsimiinnernillu ingerlatsineq
- Aaqqissuussaanerup pitsaasuunissaa ulluinnarnilu ingerlatsinerup pitsaasumik ingerlanissaa qulakkiissallugu
Naatsorsuutigaarput illit:
- Nammineerlutit suliniuteqartartutit aqutsisutullu siuttuusutit
- Suleqatigiinneq aqqutigalugu pitsaasunik angusaqartitsisartutit
- Eqaatsumik, aalajangiisinnaasumik akisussaaffeqartumillu sulisinnaasutit
- Pitsaasumik eqqarsartaaseqartutit allanngorartumillu suliffiup avatangiisaani nuannarisaqartutit
- Niuernermik misilittagaqartutit – aqutsinermik misilittagaqarneq iluaqutaassaaq
- Tatiginartuusutit, unneqqarissuusutit attaveqaqatigiinnermillu pitsaasumik pilersitsisinnaasutit
Neqeroorutigaavut
- Suliffik pissanganartoq aaqqissuussaanermilu ammasumi suliffik
- Pisiniarfiup ineriartortinneqarneranut sunniuteqarnissamut periarfissaq
- Avatangiisit ineriartortitsinermik, sullissinermik pitsaassutsimillu ukkassiffiusut
- Suliffik assigiinngiiaartoq suliamut inuttullu ineriartortitsinissamut periarfissiisoq
- Suleqatit pikkorissut suleqatigiillu pitsaasut
- Akissarsiaqarneq piginnaasat naapertorlugit
Sulilerfissaq
Piaartumik imaluunniit isumaqatigiissuteqarnikkut.
Qinnuteqaat attaveqarnerlu
Atorfik pillugu apeqqutissaqaruit Ilulissani Tuniniaanermut pisortaq Christian Haaning attavigisinnaavat oqarasuaatikkut +299 25 42 18.
Atorfik soqutiginartippiuk?
Taava ataani linki aqqutigalugu qinnuteqaatit nassiuguk – tusarfiginissat qilanaaraarput.
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.