ILVA Nuuk Pisiniarfimmi Aqutsisussarsiorpoq
ILVA Pisiniarfimmi Aqutsisussarsiorpoq
Aqutsineq, tuniniaaneq aammalu pitsaasunik pisiniartunut misigisaqartitsiniarneq soqutigisaraajuk? Suleqatinnik kajumissaarisinnaavit aammalu nukittuumik suleqatigiinnikkut pitsaasunik angusaqarsinnaavit? Taava immaqa illit ILVA-mi Nuummiittumi pisiniarfiup pisortaatut ujartorpatsigit.
ILVA-mi pisiniartutsinnut neqeroorutigisarpagut angerlarsimaffimmik ilusilersuinissamut isumassarsiffiusut, pequtit pitsaasut kiisalu pitsaasumik sullissineq. Pisiniarfimmi pisortatut atorfininnermi ulluinnarni ingerlatsinermut akisussaaffeqalissaatit aammalu pisiniarfiup pilerinartuussusaanik, pisiniartut naammagisimaarinninnerannik kiisalu angusaqarfiulluartunik tuniniaanermik qulakkeerinninniarnermi pingaarutilimmik inissisimassallutit.
Akisussaaffitit:
- Pisiniarfiup sulisuinik aqutsineq ineriartortitsinerlu
- Pisiniartunut sullissineq suliamut inuussutissarsiutinullu naleqquttumik isumassarsiffiulluartumillu qulakkiissallugu
- Pisiniarfiup tuniniaanermi ingerlatsinermilu anguniagai anguneqarnissaat
- Ulluinnarni ingerlatsinerup pilersaarusiornera ataqatigiissaarneralu
- Pisiassanik inniminniinerit, uninngasuutinik aqutsineq kiisalu kampagninik piviusunngortitsineq
- Pisiniarfik tamatigut tikilluaqqusiisumik tuniniaanissamullu piareersimasumik isikkoqarnissaa qulakkiissallugu
Ilinnit naatsorsuutigaarput:
- Aqutsinermik misilittagaqartutit, pitsaanerpaamik niuernermik ingerlatsivimmi
- Anguniagaqarnermik siunnerfeqartuusutit aammalu ineriartortitsinermik kajumissuseqartuusutit
- Suleqateqarluarsinnaasutit aammalu attaveqaqatigiillaqqissuusutit
- Aaqqissuussamik sulisinnaasutit ulapiffiugaluartumilu ataatsimut isiginnissinnaasutit
- Sullissaqqissuusutit aammalu pitsaasumik maligassiuillaqqissuusutit
Neqeroorutigaavut:
- Suliffik pilerinartoq, aaqqissuussaanikkut ammasumik oqaloqatigiiffiusoq
- Ulluinnarni sulinermut sunniuteqarnissamut aammalu isumassarsiatit atorneqarnissaannut periarfissaq
- Suliffik ineriartortitsinermik pitsaassutsimillu ukkassiffiusoq
- Suliffik assigiinngisitaartorujussuaq, suliamut inuttullu ineriartornissamut periarfissalik
- Suleqatit pikkorissut suleqatigiillu nukittuut
- Piginnaasat naapertorlugit akissarsiaqarneq
Oqaloqatiginninnerit ingerlaavartumik ingerlanneqassapput, piukkunnarnerpaallu nassaarineqariarpat atorfinitsitsineq pissalluni.
Qinnuteqaat attaveqarfiginerlu:
Atorfik pillugu apeqqutissaqaruit attaveqarfigisinnaavat:
Ben Rasmussen, Salgschefi
+299 48 21 23
bera@pisiffik.gl
Tusarfiginissat qilanaaraarput!
Pisiffik A/S pillugu
Pisiffik A/S Kalaallit Nunaanni niuernermik ingerlataqarfiit annersaannut ilaavoq, pisiniarfiit immikkoortortaqarfiillu 56-it aammalu sulisut 800-t sinnerlugit amerlassuseqarput. Sulisuvut eqqarsaatigalugit suliffigiumaneqarnerpaasut ilagilernissaannik anguniagaqarpugut.
Pisiniartutsinnut pitsaalluinnartunik nioqqutissanik assigiinngisitaartunik aammalu sullissilluarnermik neqerooruteqarnikkut niuernermut tunngatillugu toqqarneqarnerpaajunissarput anguniagaraarput. Suliaqarfitsinni nutaaliorneq, piujuartitsineq kiisalu najukkami inuiaqatigiinnut qanittumik attaveqarneq tunngavigalugit pisiniarnermi misigisanik immikkut ittunik pilersitsinissaq anguniagaraarput.