Inuussutissanut pisiortornermut aqutsisoq
Kalaallit Nunaanni niuertarfeqarfiit siunissaat ilusilersueqataaffigerusuppiuk?
Pisiffik inuussutissanik pisiortornermi aqutsisumik tunniusimasumik, niuernermik paasinnilluartumik takorluuisumillu ujartuivoq, pisiniarnermik, nioqqutissanik ineriartortitsinermik aammalu periusissanik ineriartortitsinermik soqutiginnittumik.
Kalaallit Nunaanni niuertarfeqarfiit annersaanni pingaarutilimmik inissisimalissaatit aammalu food aamma nearfood-imi nioqqutissanik ineriartortitsinermut sunniuteqarnissamut periarfissaqassallutit.
Sooq Pisiffik toqqassaviuk?
Uagutsinni periarfissaqarputit:
- Pisiffik, AKIKI aamma Spar-imi nioqqutissanik akisussaaffeqalerneq suleqatit pitsaasut peqatigalugit
- Suliffeqarfimmi aalajangiisarnerit sukkasuumik ingerlanneqartartut aammalu aqutsisunut qanittumik suleqateqarfiusumi sulineq
- Nioqqutissanik ineriartortitsinermik, pilerisaarutinik aammalu niuernermi suliniutinik siuttooqataaneq
- Aaliangiussavit takuneqarsinnaasunik angusaqarfiunerannik takussutissaqarneq
Atorfik pillugu
Inuussutissanut pisiortornermi aqutsisutut pisiniarnermut immikkoortortaqarfitsinni pingaarutilimmik inissisimassaatit. Food aamma nearfood-imi nioqqutissanik ineriartortitsinermut pitsanngorsaanermullu akisussaaffeqassaatit suleqatit, pisiniarfiit aammalu nioqqutissanik pilersuisut qanimut suleqatigalugit.
Suliassatit pingaarnerit tassaassapput:
- Food aamma nearfood-imi nioqqutissanik pisiniarneq ineriartortitsinerlu
- Nioqqutissanik pilersuisunik isumaqatiginninniarneq aammalu pitsaasunik isumaqatigiissusiorneq
- Pilerisaarutinik tuniniaanermilu suliniutinik pilersaarusiorneq ingerlatsinerlu
- Aviisimut neqeroorutissanik pilerisaarutinillu suliaqarneq
- Tuniniaanermut pisortat, pisiniarfiit pisortaat aammalu pilersuisut qanimut suleqatigalugit
- Kaaviiaartitat iluanaarutillu ineriartortinneri qulakkeerniarlugit
- Kalaallit Nunaanni niuerfimmi pisiniarfiit siunissaannik ineriartortitsinermut peqataaneq
Immikkoortortaqarfimmi suleqatissatit tassaapput pisiortornermi aqutsisut marluk kiisalu pisiniarnermut sulisoq ataaseq.
Kinaavit?
Naatsorsuutigaarput:
- Detailhandel-imi, pisiniarnermi imaluunniit kategoriinik aqutsinermi assingusumik misilittagaqartutit
- Isumaqatiginninniarnermi aammalu attaveqaqatigiinnermi pikkoriffeqartuusutit
- Niuernermik paasinnilluartuusutit aammalu nioqqutissat aqqutaat tamakkerlugit isiginnissinnaasutit
- Ullormut ingerlatsinermi ineriartortitsinermilu suliassat nuannaralugit
- IT-mik ilisimasaqarluartutit aammalu systeminik paasinnissinnaallutit
- Aaqqissuussamik angusaqarniartumillu suleriaaseqartutit
- Suleqatit peqatigalugit angusaqarnissamut kajumissuseqartutit
Neqeroorutigaavut
- Kalaallit Nunaanni niuerfimmi pisiniarfiit annersaanni atorfik pingaarutilik
- Periusissiornermi aammalu ulluinnarni ingerlatsinermi sunniuteqarnissamut periarfissaq
- Suleqatit pikkorissut tunniusimasullu
- Akissarsiat piginnaasat naapertorlugit aalajangersarneqartut
- Soraarnerussutisiaqarnermut aaqqissuussaq, peqqissutsimut sillimmasiissut aammalu sulisunut iluaqutissat allat
- Sulisunut inissiamik periarfissaq
- Sulinngiffeqarnermi angalanissamut periarfissat aammalu pequtit nuunneqarnerat maleruagassat atuuttut naapertorlugit
- Kalaallit Nunaanni inuunermik sulinermillu ataatsimoortitsisinnaaneq
Tullinnguuttumik alloriarnissamut piareersimavit?
Piaartumik atorfininnissaq kissaatigineqarpoq, kisianni piukkunnarnerpaamik qinnuteqartoq utaqqisinnaavarput.
Qinnuteqaatit ingerlaavartumik suliarisarpavut aammalu oqaloqatiginninnerit atorfinitsitsiniarnermi ingerlanerani ingerlanneqassapput.
Atorfik pillugu apeqqutissaqaruit attaveqarfigisinnaavat:
Indkøbschef Michael Günzel
Mobil: +299 58 16 76
Kalaallit Nunaanni niuerfimmi pisiniarfiit annersaannut ilanngugit aammalu siunissap niuerfiata ineriartortinneqarneranut peqataagit.
Qinnuteqaat quppernerup ataaniittoq link atorlugu nassiunneqassaaq.
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.