Pisiniartartoq - Neriniartarfinnut cafénut conveniencelu
Pisiniarnermik, nioqqutissanik ineriartortitsinermik aammalu suliffeqarfiup iluani suleqatigiinnermik soqutiginnippit? Taava Neriniartarfinnut, Café-nut aammalu Convenience-mut Pisiniartartutut nutaatut ujartorpatsigit.
Pisiniartartoq pingaarutilimmik inissisimassaaq pisiniarfiitsinnut nioqqutissanik pilerinarsaataasunik, unammillersinnaasunik akinik aammalu patajaatsunik pilersuinernik qulakkeerinninnermi. Ingerlatsinermut siunnersueqataasassaatit aammalu pilersuisut kiisalu pisiniarnermut, tuniniaanermut nittarsaassinermullu immikkoortortaqarfiit akornanni qanimut suleqataassallutit.
Suliassat pingaarnerit
- Pisiniarfinnut siunnersuineq aamma ilisimasanik immikkoortortanut avitseqateqarneq
- Nioqqutissanik, akinik aammalu kampagnenik ineriartortitsineq aserfallatsaalinerlu
- Pilersuisunik attaveqarneq, isumaqatigiinniarnerit aammalu malitseqartitsineq
- Neriniartarfinnut, Café-nut aammalu Convenience-mut nioqqutissanik pisiniarneq
- Pitsaassutsimik qulakkeerineq aammalu nalunaarsuineq
- Pisiniarnermut pilersuinermullu ingerlatsinerit pitsanngorsarneri
- Konceptinik ineriartortitsineq atuutilersitsinerlu
Suliassat
- Inniminniinernik nassiussineq aammalu malinnaaneq
- Pilersuisunit neqeroorutinik pissarsiniarneq nalilersuinerlu
- Suliniutini assigiinngitsunik immikkoortortaqarfiit akimorlugit peqataaneq
- Pisiniarnermut, tuniniaanermut nittarsaassinermullu suleqateqarneq nioqqutissanik, kampagnenik aammalu akinut tunngasunik aaqqissuussinermi
- Pisiniarfinnut paasissutissanik suliaqarnissaq aammalu kategoriinut ataatsimiinnernik malitseqartitsineq
- Aviisinut naqitanut aammalu digitaliusunut neqeroorutinik suliaqarneq
- Nioqqutissanut pisortaq ulluinnarni ingerlatsinermi aammalu assigiinngitsunik ad hoc suliassani ikorfartorlugu
Ujartugarput
- Pisiniarnermi misilittagalik, niuertarfinni, neriniartarfimmi, café-mi imaluunniit convenience-mi misilittagaqaruit iluaqutaassaaq
- Pilersuisarnermut, uninngasuuteqarnermut aammalu isumaqatigiinniarnermut paasinnittaaseqarlutit
- Aaqqissuussamik namminersorlutillu sulisinnaasutit
- Misissueqqissaartartuuvutit, suliniuteqartartuullutit aaqqiissutissanillu ujartuillutit
- Ulapiffiusumi suleqatigiiffippassualimmi sulinissaq nuannarivat
- Attaveqaqatigiinnermi suleqatigiinnermilu piginnaasaqarluarputit
Neqeroorutigaavut
- Atorfik pissanganartoq assigiinngisitaartorlu, akisussaaffigisanni sunniuteqarluarsinnaaffiusoq
- Suliffimmi inuttullu ineriartornissamut periarfissat pitsaasut
- Suliffeqarfiup iluani suleqatigiinneq nukittooq
- Suliffeqarfik ineriartortoq, tunniusimalluartunik sulisulik aammalu aalajangiinerit sukkasuumik ingerlanneqartartut
Suleqatitsinnut ilanngunnissannut aammalu neriniartarfinnut, café-nut aammalu convenience-mut immikkoortortatta ineriartortinneqarnerani peqataarusukkuit qinnuteqaativit tigunissaanut qilanaarpugut.
Qinnuteqarneq
Qinnuteqaatit ingerlaavartumik suliarisarpavut aammalu atorfinitsitsinermut atatillugu ingerlaavartumik piukkunnartunik oqaloqateqartarluta.
Atorfik pillugu apeqqutissaqaruit attaveqarfigisinnaavat:
Pisiniarnermut pisortaq Michael Günzel
Mobil: +299 38 11 30
Kalaallit Nunaanni niuertarfiit annersaannut ilanngugit aammalu siunissami niuernermik ineriartortitseqataagit.
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-nillu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.