SANNATIT-imi niuertarfimmi nutaami sulisussaq – sanaartornermi atortunik tuniniaaneq aamma sullitan
Sanaartornermi atortunik tuniniaaneq soqutigisariviuk, peqatigitillugulu niuertarfimmi nutaami sullitanut pitsaasumik misigisaqartitsissallutit peqataarusuppit?
Tuniniaasussamik pimoorussisumik sullissillaqqissumillu sulisussarsiorpugut, piaartumik sulilersinnaasumik.
Kalaallisut paasisinnaallutillu oqalussinnaavit? Sanaartornerup iluani misilittagaqarpit – imaluunniit sanaartornermik, atortussanillu soqutiginnilluarpit? Taava immaqa tassaavutit ujagarput!
Suliassat pingaarnerit
- Sullitanik sanaartornermi atortunik tuniniaanermi sullissillutillu siunnersuineq
- Inussiarnersumik pitsaasumillu sullitanik kiffartuussineq
- Nioqqutissanik takkuttunik tigusineq, taakkulu niuertarfimmi eqqortumik inissinnissaat isumagissallugu
- Niuertarfiup tamatigut kusanartumik, torersumik pilerisaarisumillu isikkoqarnissaa qulakkiissallugu
- Sullissilluarnerup qulakkeernissaanut sullitanullu pitsaasumik misigisaqartitsinissamut peqataassalluni
- Ulapaarfiusumi ulluinnarni aaqqissuussaanermik torersuunermillu pilersitseqataassalluni
Ilinnit naatsorsuutigaarput
- Akisussaassuseqartutit, aalajaatsuusutit tatiginartuullutillu
- Sulinermik nuannarisaqartuusutit, inussiarnersuusutit sullissillaqqissutillu
- Kisimiillutit sulisinnaasutit, aammali suleqatigiit akornanni sulisinnaallutit
- Torersuunermik pingaartitsisutit, ulapaarfimmilu ataatsimut isiginnittariaatsimik attassiisinnaallutit
- Ulluinnarni sulinermi system assigiinngitsut atorlugit sulineq sungiusimagit
- Pissutsinut naleqqussarsinnaasutit pisariaqarfiatigullu ikiuussinnaasutit
- Sanaartorneq, atortussiallu sanaartornermut atorneqartut soqutigisarigit
Neqeroorutigaarput
- Kalaallit Nunaanni niuertarfeqarnikkut suliffeqarfiit annersaanni suliffik pissanganartoq assigiinngisitaartorlu
- Ullut assigiinngisitaartut, suliassannullu sunniuteqarnissamut periarfissaqarlutit
- Suleqatit pikkorissut, pimoorussisut suleqatigiuminartullu
- Inuttut suliamullu ineriartornissamut periarfissat pitsaasut
- Sulinermi angusassanik takuneqarsinnaasunik uuttorneqarsinnaasunillu pilersitsinissamut periarfissaq
Ilinnut soqutiginarpa?
Oqaloqatiginninnerit ingerlaavartumik ingerlanneqartassapput, taamaattumik qinnuteqaatit CV-llu ullumi nassiutereerukkit pitsaanerussaaq.
Qinnuteqaat CV-lu quppernermi ataaniittukkut nassiunneqassapput.
Sulilerfissaq: Piaartumik.
Suliffik pillugu apeqqutissaqaruit Centerchef Mikkel Møller Bertelsen oqarasuaatikkut 26 30 61 attavigisinnaavat.
Tusarfiginissat qilanaaraarput!
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-nillu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.