Pisiffik Neriniartarfinnut aammalu Tunisassiornermut Pisortassarsiorpoq

Neriniartarfinnut tunisassiornermullu pisortaq

Kalaallit Nunaanni niuernermik ingerlatsiviup ineriartortup ineriartortinneqarneranut peqataarusuppit?

Pisiffik neriniartarfinnut tunisassiornermullu pisortassarsiorpoq, neriniartarfiutitta, café-titta tunisassiorfiutittalu ineriartortinneqarneranni ingerlanneqarnerannilu siuttuusussamik.

Burger Kingip, Sunset Boulevardip café-millu nutaamik ingerlatsinissamut isumassarsiap ineriartortinneqarnerannut annertusarneqarnerannullu akisussaasuussaatit. Aamma qitiusumik iffiorfiutitta, neqileriviutitta, delikatesseqarfiutitta tunisassiornerullu periusissatigut ineriartortinneqarnerat akisussaaffigissavat.

Suliassatit pingaarnerit:

• Burger Kingip Sunset Boulevardillu neriniartarfiutaat kiisalu café-mik ingerlatsinissamut isumassarsiaq nutaaq ineriartortillugillu annertusassavatit, siuariartorneq, sullitat misigisaat pitsaasut kiisalu ingerlatsineq patajaatsoq sunniuteqarluartorlu pingaartillugit.
• Pisiffiup qitiusumik iffiorfia, neqilerivii delikatesseqarfiilu ingerlatissavatit ineriartortillugillu, pitsaassuseq, nioqqutissat assigiinngisitaarnerat tunisassiornerlu sunniuteqarluartoq pingaartillugit.
• Nammineq tunisassiornermik ingerlatsiviit pilersissavatit, periarfissallu nutaat suliassanut tigussaasunut iluanaarutaasinnaasunullu piviusunngortissallugit.
• Suleriutsit, aningaasartuutit suliassanillu ingerlatsineq ingerlaavartumik pitsanngorsarlugit pitsaassuseq qaffasissoq, ingerlatsineq sunniuteqarluartoq isertitaqarluarnerlu qulakkiissavatit.
• Sullitat pisariaqartitaat, niuerfiup ineriartornera, aningaasartuutit suleriutsillu tunngavigalugit nioqqutissat nutaat, ingerlatsinissamut isumassarsiat niuernikkullu periarfissat ineriartortissavatit.
• Pisortaqatigiinnut ilaasutut Pisiffiup periusissatigut ineriartortinneqarneranut eqeersimaartumik peqataassaatit, suliffeqarfiullu siuariartornerata ineriartortinneqarneratalu ingerlaqqinnissaanut sammiviliinermut peqataallutit.

Inuttut piginnaasatit:

• Neriniartarfinnik, café-nik tunisassiornermillu misilittagalik.
• Niuernikkut nukittuunik piginnaaneqartoq, niuerfimmik sullitanillu paasinnissinnaasoq, siuariartornermilu, isertitaqarnermilu niuernermillu ineriartortitsinermi angusaminik uppernarsaasinnaasoq.
• Periusissatigut eqqarsarsinnaasoq iliuuseqarsinnaassuseqartorlu, takorluukkat anguniakkallu angusanik tigussaasunik piviusunngortissinnaallugit.
• Pitsaassutsimik ineriartortitsinermillu pingaartitsisoq, aqutsisunik sulisunillu ineriartortitsinissamik kiisalu suliat tunniunneqartut pitsaassusiisa qaffasinnissaanik qulakkeerinninnissamik kajumissuseqartoq.
• Aallarnisaasinnaassuseqartoq, alapernaatsoq iliuuseqarsinnaassuseqartorlu, nutaamik pilersitsinissamik, periarfissanik paasiniaanissamik kiisalu niuernermik ingerlatsiviup aaqqissuussaaneratalu ineriartortinnissaannik kajumissuseqartoq.

Neqeroorutigaarput

Kalaallit Nunaanni siuariartorfissat pissanganarnerpaat ilaata ilusilersornissaanut periarfissaq immikkuullarissoq, kiisalu Pisiffiup ingerlaavartumik ineriartortinneqarneranut qitiusumik peqataalernissaq.

• Suliffeqarfiup immikkoortuini tamani suleqatit pikkorissut tunniusimasullu.
• Atorfeqarnermi atugassarititaasut pitsaasut, piginnaasat naapertorlugit akissarsiaqartitsineq.
• Soraarnerussutisiassanut akiliuteqartitsineq, peqqinnissakkut sillimmasiineq sulisunullu immikkut pisiniarsinnaanermut aaqqissuussineq.
• Sulisunut inissiamik innersuunneqarsinnaaneq.
• Malittarisassat atuuttut naapertorlugit sulinngiffeqarnermi akiliunneqarluni angalaneq aamma pigisat nuunneqarnerat.

Atorfik pisortaanermut toqqaannartumik attaveqarpoq.

Alloriarnissannut tullermut piareerpit?

Piaarnerpaamik sulilernissat kissaatigaarput, qinnuteqartumulli eqqortumut utaqqinissatsinnut piareersimavugut.

Qinnuteqaatit tiguneqarneri ilutigalugit suliarisarpavut, atorfinitsitsiniarnerullu ingerlanerani qinnuteqartut ingerlaavartumik oqaloqatigineqarnissamut aggersartarlugit.

Atorfik pillugu apeqqutissaqaruit attavigisinnaavat:

HR-imi pisortaq: Naasunnguaq Berthelsen

Mobil: +299 56 25 81

Pisiffik A/S-i pillugu:

Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.