Pisiffik A/S

Pisiffik Nuummi tuniniaanermut pisortap tullissaanik tunniusimasumik pissarsiorpoq

Pisiffik Nuummi tuniniaanermut pisortap tullissaanik tunniusimasumik pissarsiorpoq

Sulisoqasunut sullitanullu angusaqarluarfiusumik ulluinnarnilu ingerlalluartumik pilersitseqataarusuppit?

Pisiffimmi tuniniaanermut pisortap tullissaanik tunniusimasumik pissarsiorpugut. Tuniniaanermut pisortaq qanimut suleqatigalugu ulluinnarni ingerlatsinerup ingerlalluarnera qulakkiissavat, tuniniaaneq nukittorsassavat sulisullu kajumissuseqalersillugit.

Tuniniaanermut pisortamut pingaarutilittut siunersioqatigineqartassaatit, sulisullu sullitallu qanillugit assigiinngitsorpassuarnik suliassaqartassallutit. Illit akisussaaffimmik tigusisinnaasoq, ataatsimut isiginnissinnaassutsimik attassisinnaasoq maligassiuilluarsinnaasorlu ujartorpatsigit.

Suliassatit pingaarnerit:

Tuniniaanermut pisortaq suleqatigalugu makku suliarineqarnissaannut peqataassaatit:

  • Inuussutissanik nioqqutinillu inuussutissaanngitsunik ulluinnarni ingerlatsineq pilersaarusiorlugulu suliassat tulleriiaarlugit pingaarnersiuissaatit.
  • Tuniniaaneq kisitsisillu pingaarutillit malinnaaffigissavatit, taakkulu tunngavigalugit pitsanngorsaataasinnaasunik iliuuseqassallutit.
  • Suliassat agguataassavatit, erseqqissumik attaveqarnikkut malitseqartitsinikkullu sulisut kajumissuseqalersissallugit.
  • Sullitanik pitsaasumik sullissineq, nioqqutissat pigineqarnissaat nioqqutissanillu pilerinartumik saqqummiussineq qulakkiissavatit.
  • Tuniniaanermi neqeroorutit immikkut ittut piviusunngortissavatit angusallu malinnaaffigissallugit.
  • Tuniniaanermut pisortaq peqanngikkaangat akisussaaffeqarfiup isumaqatigiissutigineqartup iluani taartaasassaatit.


Takorloorparput illit:

  • Pisiniarfimmi tuniniaanermik misilittagaqartutit, ajornanngippat inuussutissanik nioqqutinillu inuussutissaanngitsunik.
  • Siulership misilittagaqarfigigit imaluunniit ineriartorninni alloriarnissannut tullermut piareersimasutit.
  • Ulluinnarni ersarissumik peqataasartutit, sulisunillu aqutsisunillu suleqateqarneq nuannarisarit.
  • Aaqqissuussaasumik suleriaaseqartutit ulapaarfiusumilu ataatsimut isiginnissinnaassutsit attatiinnarsinnaagit.
  • Aaqqiissutissanik ujartuisartutit tuniniaanermillu, ingerlatsinermik sullitallu pisariaqartitaannik eqqumaffiginnittutit.
  • Erseqqissumik attaveqartartutit pitsaasumillu suliffimmi avatangiiseqarnissaanut peqataasartutit.

Neqeroorutigaavut:

  • Aqutsisoqatigiit nukittuut tapersersortigisassatit.
  • Akissarsiat unammillersinnaasut pensionisiaqarnermillu aaqqissuussineq.
  • Suliffimmi avatangiisit pitsaasut, atugarissaarneq suleqatigiinnerlu pingaartillugit.
  • Suliamut tunngasutigut inuttullu ineriartornissamut periarfissat pitsaasut.
  • Malittarisassat atuuttut naapertorlugit inissiaqarnissamut periarfissaq.

Tuniniaanermut pisortap tulliatut Nuummi tuniniaanermut pisortaq toqqaannartumik qullersarissavat.

Uagutsinni inissisimaffissat:

Tuniniaanermut pisortap tulliatut ulluinnarni sulinerup sammivissaanik aalajangersaaqataasassaatit. Ulluinnarni suliassat anguniakkallu ataatsimoorussat imminnut ataqatigiississavatit, sulisullu sulinerminni iluatsitsilluarnissaannut ikiussallugit. Tuniniaanermut pisortaq peqatigalugu suleqatigiinneq, akisussaassuseq sullitallu pitsaasumik misigisaqartinnissaat pingaartillugit ulluinnarni sulineq ineriartortitseqataaffigissavat.

Tuniniaanermut pisortap tullissaatut nutaatut ujartugarput illiua?

Taava qinnuteqaatit CV-llu ataani linki aqqutigalugu nassiukkit. Sooq atorfiup qinnuteqarfigineranik misilittakkatillu Pisiffimmi angusaqarluartoqarnissaanut qanoq iluaqutaasinnaanerannik oqaluttuarfigitigut.

Piaartumik sulilersinnaanissat kissaatigaarput, qinnuteqartorli eqqortoq utaqqisinnaavarput.

Atorfik pillugu apeqqutissaqaruit:

Attavissaq: Tuniniaanermut pisortaq, Ben Rasmussen
E-mail: bera@pisiffik.glOqarasuaat: +299 48 21 23

Pisiffik A/S-i pillugu:

Pisiffik A/S-i tassaavoq 56-inik pisiniarfittalik/immikkoortortalik 800-llu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.

Qinnuteqarit