Pisiffik A/S Maniitsumi Tuniniaanermut Pisortassarsiorpoq

Aqutsisutut nukittuujuvit, niuernermut pikkorissuullutit, anguniakkanillu ataatsimoorussanik sammiviliinissamut inunnillu katersuinissamut kajumissuseqarlutit?

Pisiffik A/S Maniitsumut tuniniaanermut pisortassarsiorpoq. Nuummi Fooddirektørimut toqqaannartumik attaveqarlutit, illoqarfimmi pisiniarfiitta ingerlanneqarnerannut, angusanut aqunneqarnerannullu tamakkiisumik akisussaaffeqalissaatit.

Niuernermik peqqinnartumik, atugarissaarnermik ulluinnarnilu erseqqissumik aqutsinermik qulakkeerinnissaatit. Atorfimmi pisariaqarpoq takussaanissat, sammiviliinissat siuttuunissallu. Nalunngilarput suleqatitta pikkorinnerulernerat Pisiffiup aamma pikkorinnerulerneranik kinguneqartartoq. Taamaattumik niuernermik sulisunillu ineriartortitsineq suliami pingaarutilimmik inissisimavoq.

Illit inissisimaffiit suliassatillu: Pisiffik Supermarked, Torrak Fashion, Pisattat, JYSK aamma AKIKI pillugit pingaarnertut akisussaaffeqalissaatit.

Pisiniarfiit pisortaat pingasut, ingerlatsinermut pisortaq, neqilerisut pisortaat ilinnut toqqaannartumik attaveqartuussapput, suleqatillu 50-it missaanniittut pillugit pingaarnertut akisussaaffeqassaatit.

Suliassavit pingaarnerit tassaapput ingerlatsinerup aalajaatsup angusallu pitsaasut qulakkeerneqarnissaat. Missingersuutinut tamakkiisumik akisussaaffeqassaatit, tuniniaanermut akissarsianullu missingersuutit ilanngullugit. Kisitsisinik pingaarutilinnik malinnaatitsillaqqissuussaatit, niuernermik nukittorsaasinnaassallutit pisiniarfiillu peqqinnartumik ingerlanneqarnerat qulakkeersinnaassallugu, kiisalu pisiniarfiit pisortaat aqutsisutut inissisimaffianni ineriartortillugillu tapersersussallugit.

Inuttut piginnaasat: Pissusissamisoortumik allat ilinnik malinnaarusulersittarpatit, inunnillu tapersersuinerup piumasaqaateqarnerullu oqimaaqatigiissinnerisigut qanoq ineriartortoqarsinnaanerannik paasisimasaqarluarlutit.

• Siuttuusarputit, akisussaaffimmik tigusisarlutit aqqutissamillu takutitsisarlutit
• Erseqqissumik sammiviliisarputit anguniakkanillu suliniutinillu aalajangersimasumik malinnaatitsisarlutit
• Erseqqissumik attaveqartarputit aalajangiisoqassatillugulu aaqqiagiinngissutinik oqaloqatigiissutiginninnissaq tunuarsimaarfiginagu
• Niuernermut pikkorissuuvutit ingerlatsinerullu, suleqatit aningaasatigullu inernerup ataqatigiinnerat paasilluarlugu
• Suliffeqarfik ataatsimoortissinnaavat, ataatsimoorussamillu ukkatarinninneq tunniusimanerlu pilersissinnaallugit
• Eqaatsuuvutit ingerlatsinermut qanittumiinnissannik ulluinnarnilu takussaanissannik pisariaqartitsiviusumi atorfeqarnissat iluaralugu.

Kalaallit Nunaanni imaluunniit Maniitsumi najugaqareersimanngikkuit, inuiaqatigiinnut mikinerusunut akulerunnissamut taakkununngalu ilaalernissamut kajumissuseqarnissat piginnaaneqarnissallu pingaaruteqarpoq.

Suliamut tunngasutigut piginnaasat: Aqutsisutut atorfeqarnermik misilittagaqarputit – assersuutigalugu niuertarfissuarmi pisortatut, immikkoortortaqarfinnut arlalinnut pisortatut imaluunniit assingusumik immikkoortumut anginerusumut immikkoortortaqarfinnulluunniit arlalinnut akisussaaffilittut. Suliffeqarfimmi angissutsimigut annertulaartumi sulineq sungiusimavat, ingerlatsinerullu, aqutsinerup angusaqartitsinerullu assigiinngitsutigut pisariusinnaanerat paasillugu.

• Sivikinnerpaamik ukiuni pingasuni aqutsisutut misilittagaqarneq
• Niuernermut, pisiniarfimmi sulinermut assigisaanulluunniit ilinniagaqarsimaneq iluaqutaassaaq
• Pisiniarfinnik ingerlatsinermi angusaqartitsinermilu akisussaaffeqarnermik misilittagaqarneq
• Missingersuutinut akisussaaffeqarnermik ingerlatsinermillu aqutsinermik misilittagaqarneq
• Kisitsisinik kisitsisinillu pingaarutilinnik paasinnilluarsinnaaneq
• Nerisassanik nerisassaanngitsunillu ilisimasaqarneq iluaqutaassaaq
• Kalaallit kulturiannik ilisimasaqarneq iluaqutaassaaq
• Qallunaatut, tuluttut kalaallisut attaveqarsinnaaneq iluaqutaassaaq, piumasaqaataananili

Neqeroorutigaavut:

• Aqutsisutut atorfik Fooddirektørimut toqqaannartumik attaveqarfiusoq
• Suliamut tunngasutigut inuttullu ineriartornissamut periarfissaq
• Suliffeqarfik suleqatigiinnermik sullissinermillu ukkatarinnittoq
• Suliffik kulturit assigiinngitsut akornanni suliffigisatsinnik, assigiinngissuserlu nukittussutsitut isigalugu
• Piginnaasat naapertorlugit akissarsiat, soraarnerussutisiassanut aaqqissuussineq, bonusisiaqartitsisarnermut aaqqissuussineq peqqissutsimullu sillimmasiineq ilanngullugit
• Sulisunut inissiamik pequtinillu nuutsitsinissamut periarfissaq
• Piaarnerpaamik imaluunniit isumaqatigiissuteqarnikkut sulilerneq

Illit tuniniaanermut pisortassaraatsigit?

Taava qinnuteqaatit CV-llu ataani linki aqqutigalugu nassiutikkit. Sooq atorfimmut qinnuteqarnerlutit, misilittakkatillu Pisiffimmi angusanut pitsaasunut qanoq tapertaasinnaanersut oqaluttuariuk. Piaarnerpaamik sulilertoqarnissaa kissaatigineqarpoq, qinnuteqartorli eqqortoq utaqqisinnaavarput.

Atorfik pillugu apeqqutissaqaruit:

Attavigiuk: Dennis Larsen,

Mail: denl@pisiffik.gl

Oqarasuaat: +299 59 79 52

Pisiffik A/S pillugu

Pisiffik A/S Kalaallit Nunaanni pisiniarfinnik ingerlatsiviit annersaraat, pisiniarfiit/immikkoortortaqarfiit 56-iullutik sulisoqarlunilu 800-nik. Sulisutsinnut pitsaanerpaamik suliffiunissarput anguniarlugu sulivugut.

Nioqqutissanik pitsaassusilinnik assigiinngitsorpassuarnik neqerooruteqarnikkut sullitanillu pitsaanerpaamik sullissinikkut, sullitatsinnut niuernermi suleqatitut piumaneqarnerpaajunissarput anguniarparput. Nutaaliornikkut, piujuartitsinermik tunngaveqarnikkut najukkamilu inuiaqatigiinnut qanimut atassuteqarnikkut immikkorluinnaq ittunik pisiniarnermik misigisaqartitsinissaq suliassaraarput.