Food Service Greenland Nuummii tuniniaanermut siunnersortissarsiorpoq
Tuniniaanerup ineriartortinneranut niuerfigisartakkanillu attaveqarluarnermut peqataarusuppit?
Food Service Greenland Nuummi tuniniaanermi siunnersortissarsiorpoq. Ilinniit kissaatigaarput suliamut soqutiginnissuseqartutit, suliffeqarfinnik niuerfigisartakkatsinnik qanimut suleqateqarusuttutit tuniniaanerullu ineriartortinneranut peqataarusuttutit. Sulisoqatigiinni nukissaqarluartuni, suleqatigiilluartuni sullissilluartunilu pingaarutilimmik ilaasortaalissaatit.
Suliassatit pingaarnerit:
- Suliffeqarfinnik niuerfigisartakkatsinnik attaveqarnerput isumagissavat ineriartortillugulu, soorlu neriniartarfiit, nerisarfiit, institutionit nunaqarfinnilu pisiniarfiit
- Niuerfigisartagassanik nutaanik tuniniaanermilu periarfissanik ujaasissaatit attavigisarlugillu
- Niuerfigisartakkatsinnut siunnersuisassaatit nioqqutissat, neqeroorutit aaqqiissutillu pisariaqartitaannut naleqquttut pillugit
- Inniminniinerit, isumaqatigiissutit niuerfigisartakkatsinnillu saaffiginnissutit malinnaaffigissavatit
- Pisiortortartunik, quersuarmi sulisunik pisiniarfimmilu sulisunik suleqateqassaatit, niuerfigisartakkatta sullinneqarluarnissaat qulakkeerniarlugu
- Tuniniaanermi kisitsisinut malinnaassaatit, neqeroorutinullu pitsanngorsaanissanullu isumassarsianik tunniussaqartassaatit
Ujartorpugut illit:
- Tuniniaanermi, sullissinermi niuernermiluunniit misilittagaqartutit, pingaartumik suliffeqarfinnut tuniniaanermi (B2B). Taamaattoqanngippat ilikkarusussuseq pingaaruteqarpoq
- Inunnut ammasuullutit, suliniuteqartartutit angusaqarnissamillu nuannarisaqartutit
- Aaqqissuussilluartutit suliassanillu arlalinnik ataatsikkut ingerlatsisinnaasutit
- Erseqqissumik inussiarnersumillu oqaluttarlutit allattarlutillu
- Kalaallisut qallunaatullu oqalussinnaallutillu allassinnaasutit
Neqeroorutigaarput:
Uagutsinni suliffik assigiinngitsunik imalik niuerfigisartakkanillu attaveqarfiusorujussuaq pissarsiarissavat. Suliffeqarfik Kalaallit Nunaanni niuerfeqarfinnut siuttuusunut ilaavoq. Suliffimmi suleqatigiinnermik ataqatigiinnermillu pingaartitsisumi ilaasortaalissaatit. Inuttut suliatigullu ineriartornissamut periarfissaqarluarputit, aamma suleqatit ikiuukkumatuupput, sulisoqarluartillugu aamma.
Atorfinitsitsinermi piumasaqaatit:
Sapinngisamik piaartumik atorfinissaaq, kisianni inuttamik naleqquttumik utaqqinissaq ajornartinngilarput. Oqaloqatigiinnerit ingerlaavartumik ingerlanneqassapput.
Illinnit tusarnissarput qilanaaraarput:
Illit pillugit naatsumik oqaluttuarisigut, aammalu sooq Food Service Greenland tuniniaanermi siunnersortaarusunnersutit. Qinnuteqaatit CV-llu qinnuteqarfissamut link aqqutigalugu nassiukkit.
Suliffik pillugu apeqquteqaruit tuniniaanermi pisortaq Rikke Olsen attavigisinnaavat oqarasuaatikkut +299 56 42 44 imaluunniit e-mailikkut: riol@fsg.gl
Food Service – Ataatsimoorluta sullitatsinnut misigisassanik pitsaasunik pilersitsivugut.
Food Service-imi tamatigut pitsaanerpaamik sullissinissaq pitsaassusilinnillu nioqqutissaqartitsinissaq anguniartuarparput. Inuussutissat, mamakujuit, imigassat nioqqutissanillu nerisassaanngitsunik tamanik pilersuisuuvugut. Suliffeqarfiinnut mikisunut angisuunullu – suliffeqarfinnut naleqquttumik nioqqutissaateqarnerput qularutiginngissinnaavat. Kalaallit Nunaanni inuussutissarsiuteqartunut ataatsimut isigalugu nioqqutissanik amerlasuunik tuniniaanermi pilersuisut siuttoraatigut. Naatsumik oqaatigalugu – nioqqutissanik amerlasuunik tuniniaaneq immikkut pitsaassusilik.