Sarfaarsuit Center tuniniaanermut aqutsisussarsiorpoq
Aqutsisinnaassuseqarpit, tuniniaallaqqissuullutit aamma immikkoortortat immikuullarissut pilersikkusuppigit?
Taava immaqa illit ujartorpatsigit!
Tuniniaanermi aqutsisutut pisiniarfiup aqunneqarnerani pingaarutilittut inissisimassaatit pisiniarfiullu aqutsisuata ataani inissisimassallutit. Pitsaassutsikkut aaqqissugaanikkut qaffasissumik pitsaassusilimmik pisiassat inissisimanissaat qulakkiissavat.
Pingaarnertut suliassarissavatit:
- Ulluinnarni immikkoortortaqarfimmi aqutsineq
- Pilersaarusiorneq, ataqatigiissaarineq ulluinnarnilu aqutsineq
- Immikkoortortat tuniniaanissamut piareersimasut, isumassarsiorfissaqqissut aamma pisiniarfikkuminartut pilersinnissaat
- Pitsaassutikkut, torersuunikkut tunisassanillu pitsaanik saqqumisitsinerit akisussaaffigalugit
- Pisisartut pitsaanerpaamik sullinneqarnissaat misigisaqarluarnissaallu qulakkiissallugu
- Aqutsineq, sulisunik kajumissaaneq sungiusaanerlu
- Ullut suliffiusut aaqqissuussaallutillu tunniusimaffiunissaat pilersillugit
- Immikkoortortami tunisatigut aningaasaqarnikkullu angusat ataavartuutillugillu ineriartortinnissaat
- Aqutsisoq ersarissoq aamma tunniusimasoq, siuttuusoq aqqutissamillu tikkuussisoq
Ujartugarput tassaavutit:
Ulloq siullermiit suna tamaat pisinnaasaqarfigeqqissaartariaqanngilat.
Pingaarnerpaavoq, piumassuseqarnissat nukissaqarnissat aamma iluatsittumik angusaqarusussuseqarnissat.
Naatsorsuutigaarput:
- Siunnerfeqartuusutit, pitsaanerulernissaq anguniartuullugu
- Tamatigoortuusutit ulluinnaat ulapaarfiusut sulilluarfigisinnaallugit
- Tuniniaanermut tunngasunik paasisimasaqarluartutit angusaqarusuttuullutillu
- Iliuusissarsiortoq, pitsaassutsimut tunngatillugu ilisimaarinnittoq akisussaaffeqarnissamullu tunuarsimaanngitsoq
- Namminersorluarsinnaasoq aamma suleqateqallaqqissoq
- Ammasoq, ataqqinnittoq suliffimmilu assigiinngisitaartuunermut akuulluarsinnaasoq
- Isummertaatsikkut, suleqateqarluarnikkut pissusilersornikkullu malitassaalluartoq
Suna uagutsinnit naatsorsuutigisinnaaviuk?
Uagut suliffeqarfitsinni immikkuullarissumi suleqataalissaatit, suleqatigiiffiusumi, ineriartorfiusumi inuillu qitiullutik suliffiusumi.
Neqeroorutigaarput:
- Aqutsisutut atorfik suliatigut annertuumik inuttullu ineriartorfissaalluartoq
- Suleqatigiilluarneq suleqatillu qiimasut
- Suleqatigiit ajugaarusussusilinni akuuneq
- Suliffeqarfik sulisutut aamma sullissinerup pitsaasuunissaanik pingaartitsisoq
- Nammineq ineriartornissat aamma suleqatit immikkoortortallu ineriartortinnissaannut periarfissat
Suleqataarusuppit?
Aqutsisutut imminut takusinnaaguit, aaqqissuussamik, pitsaassutsimik aamma inernerusunik nukissamillu pilersitsisuussallutit taamattaarlu inuit eqqanni ittunut ukkatarinnissinnaallutit taava tusarfigerusuppatsigit.
Piareersimavit nillataartuusiviit, qerititsiviillu akisussaaffiginissaanut, illoqarfitsinnilu immikkoortortat pitsaasumik inissisimatikkusullugit? Taava qilanaarpugut tusarfiginissarnut!
Atorfiniffissaq:
Qinnuteqarfissaq kingulleq: Piaartumik imaluunniit isumaqatigiinnikkut
Ataavartumik oqaloqatiginninnerit ingerlanneqartassapput, qinnuteqarfissarlu sioqqullugu atorfinititsinissamut immitsinnut pisinnaatippugut.
Attavissaq:
Atorfik pillugu paasisaqarnerorusukkuit Salgschef: Ben Rasmussen +299 48 21 23-mut attaviginissaanut tikilluaqqusaavutit
Qinnuteqaat:
Qinnuteqaatit CV ilanngullugu link ataaniittoq aqqutigalugu nassiuguk.
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-nillu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.