Pisiffik Sarfaarsuit Centerimi piffissap ilaannaani tuniniaanermi suleqatissarsiorpoq
Ataatsimoorfiulluartumut ilaalerusuppit aammalu pisisartutta pitsaasumik misigisaqartarnissaannut peqataarusullutit?
Pisiffik Sarfaarsuit piffissap ilaani tuniniaanermut suleqatissarsiorpoq – illillu suleqatigerusuppatsigit!
Tuniniaanermi suleqataasutut ulluinnarni sulinermut pingaarutilimmik ilaalissaatit, tassani ataatsimoorneq, qiimmaneq aamma pisisartunik pitsaasumik sullissineq pingaartinneqarlutik. Ataatsimoorluta pisiniarfik pisisartutta uteqattaarfigerusuttagaat pilersissavarput.
Suliassatit pingaarnerit:
- Pisiniarfitta illoqarfimmi pitsaanerpaajunissaanut peqataaneq
- Nioqqutissanik ilioraaneq aammalu nioqqutissat pilerinarsarlugit saqqummiunnissaat isumagalugu
- Akiliiffimmi pisiniarfimmilu pisisartunik sullissineq
- Pisisartutta tamatigut pitsaasumik misigisaqarnissaat qulakkeerlugu
Illit ujartorpatsigit, makkuninnga piginnaaneqartoq:
- Piffissap ilaani sulisinnaasoq, aamma sapaatit-akunnerisa naanerini
- Ilikkagaqarnissamut piumassuseqartoq namminerlu suliniuteqarsinnaasoq
- Eqaalluartoq ulapaarfiusunilu ikiuunnissamut piareersimasoq
- Pisisartunik pitsaasumik sullissinermik pingaartitsisoq
- Suleqatitsialaasoq aammalu suliffimmi pitsaasumik avatangiiseqarnissamut peqataasoq
Neqeroorutigaarput:
- Suliffeqarfimmi pissanganartumi suleqatigiinnermik ataatsimoornermillu pingaartitsisumi piffissap ilaani sulineq
- Inuttut ineriartornissamut periarfissat pitsaasut
- Suliffik qiimasunik ikiuukkumasunillu suleqateqarfiusoq – aamma ulapaarfiusuni
Suleqatigerusuppitigut? Taava qinnuteqaatit ataani linki aqqutigalugu nassiuguk.
Atorfik pillugu apeqqutissaqaruit centerimi pisortaq Mikkel Møller Bertelsen oqarasuaatikkut +299 26 30 61-imut imaluunniit mailikkut mibe@pisiffik.gl-imut attaveqarfigisinnaavat.
Tusarnissat qilanaaraarput!
Pisiffik A/S pillugu Pisiffik A/S Kalaallit Nunaanni annikitsukkuutaartunik niuernermik suliffeqarfiit annersaraat, 56-inik pisiniarfeqarlunilu immikkoortortaqarfeqartoq aammalu 800-nik sulisoqarluni. Sulisutsinnut suliffittut pitsaanerpaajunissarput anguniarlugu sulivugut. Pisisartutta annikitsukkuutaartunik niuernermi suleqatissatut salliutitaattut inissisimanissarput anguniarparput, nioqqutissanik pitsaassusilinnik assigiinngitsorpassuarnik aammalu pisisartunik sullissinermik pitsaanerpaamik neqerooruteqarnikkut. Nutaanik ineriartortitsinikkut, piujuartitsinermik tunngaveqarnikkut aammalu najukkami inuiaqatigiinnut qanittumik attaveqarnikkut immikkut ittumik pisiniarnermillu misigisaqartitsinissaq suliassaraarput.