Burger King Sarfaarsuit Centerimi piffissap ilaannaani tamakkiisumillu suleqatissarsiorpoq
Ataatsimoorfiulluartumut ilaalerusuppit aammalu tikeraatta pitsaasumik misigisaqartarnissaannut peqataarusullutit?
Burger King Sarfaarsuit Centerimiittoq piffissap ilaani tamakkiisumillu neriniartarfimmi suleqatissarsiorpoq – illillu suleqatigerusuppatsigit!
Neriniartarfimmi suleqataasutut ulluinnarni sulinermut pingaarutilimmik ilaalissaatit, tassani ataatsimoorneq, qiimmaneq aamma pitsaasumik sullissineq pingaartinneqarlutik. Ataatsimoorluta neriniartarfik tikeraatta uteqattaarfigerusuttagaat pilersissavarput.
Suliassatit pingaarnerit:
- Burger Kingip najoqqutassai malillugit nerisassiorneq
- Inniminniinernik tigusineq aammalu akiliiffimmi tikeraanik sullissineq
- Neriniartarfiup igaffiullu eqqiluisaarnissaata pilerinartuunissaatalu isumagineqarnissaa
- Eqqiluisaarnermut nerisassanillu isumannaallisaanermut malittarisassat malinnissaat
- Tikeraatta tamatigut pitsaasumik misigisaqarnissaat qulakkeerlugu
Illit ujartorpatsigit, makkuninnga piginnaaneqartoq:
- Piffissap ilaani sulisinnaasoq, aamma unnukkut sapaatillu-akunnerisa naanerini
- Ilikkagaqarnissamut piumassuseqartoq namminerlu suliniuteqarsinnaasoq
- Sukkasuumik sulisinnaasoq ulapaarfiusunilu ikiuunnissamut piareersimasoq
- Pitsaasumik sullissinermik pitsaassusermillu pingaartitsisoq
- Suleqatitsialaasoq aammalu suliffimmi pitsaasumik avatangiiseqarnissamut peqataasoq
Neqeroorutigaarput:
- Suliffeqarfimmi pissanganartumi suleqatigiinnermik ataatsimoornermillu pingaartitsisumi piffissap ilaani sulineq
- Ilinniartitaaneq pitsaasoq
- Inuttut ineriartornissamut periarfissat pitsaasut
- Suliffik qiimasunik ikiuukkumasunillu suleqateqarfiusoq – aamma ulapaarfiusuni
Suleqatigerusuppitigut? Taava qinnuteqaatit ataani linki aqqutigalugu nassiuguk.
Atorfik pillugu apeqqutissaqaruit Mikkel Møller Bertelsen oqarasuaatikkut +299 23 30 61-imut imaluunniit mailikkut mibe@pisiffik.gl-imut attaveqarfigisinnaavat.
Tusarnissat qilanaaraarput!
Pisiffik A/S pillugu
Pisiffik A/S Kalaallit Nunaanni annikitsukkuutaartunik niuernermik suliffeqarfiit annersaraat, 56-inik pisiniarfeqarlunilu immikkoortortaqarfeqartoq aammalu 800-nik sulisoqarluni. Sulisutsinnut suliffittut pitsaanerpaajunissarput anguniarlugu sulivugut. Pisisartutta annikitsukkuutaartunik niuernermi suleqatissatut salliutitaattut inissisimanissarput anguniarparput, nioqqutissanik pitsaassusilinnik assigiinngitsorpassuarnik aammalu pisisartunik sullissinermik pitsaanerpaamik neqerooruteqarnikkut. Nutaanik ineriartortitsinikkut, piujuartitsinermik tunngaveqarnikkut aammalu najukkami inuiaqatigiinnut qanittumik attaveqarnikkut immikkut ittumik pisiniarnermillu misigisaqartitsinissaq suliassaraarput.