JYSK Sarfaarsuit Centerimi Pisortamut Tullersortissarsiorpoq
Nuummi JYSK-ip siunissami qanoq ittuunissaanik ilusilersuinermi peqataarusuppit?
JYSK Sarfaarsuit pisortap tullissaanik suliniummut piumassuseqartumik anguniagaqartumillu ujartuivoq – illillu suleqatigerusuppatsigit!
Ineriartortuarpugut, qanittukkullu JYSK-ip pisiniarfiani nutaami, angisuumi pilerinartumilu ineqalissaagut. Taamaattumik pisortaqatigiit amerlisarpavut. Pisortap tulliatut pisiniarfiup ulluinnarni ingerlanneqarneranut aqunneqarneranullu pingaarutilimmik ilaalissaatit, tassani pisisartunik pitsaasumik sullissineq, sulisut kajumissusillit anguniakkallu ataatsimoortut pingaartinneqarlutik.
Suliassatit pingaarnerit:
- Pisiniarfiup pisortaa peqatigalugu pisiniarfiup ulluinnarni ingerlanneqarneranut aqunneqarneranullu peqataaneq
- Sulisunik ulluinnarni kajumissaarineq siunnersuinerlu
- Pisisartutta tamatigut pitsaasumik misigisaqarnissaat qulakkeerlugu
- Pisiniarfiup anguniagaminik anguniaaneranut peqataaneq
- JYSK-ip pisiniarfiata nutaap angisuullu ammarneqarneranut ineriartortinneqarneranullu peqataaneq
Illit ujartorpatsigit, makkuninnga piginnaaneqartoq:
- Annikitsukkuutaartunik niuernermi misilittagaqartoq, pisortatut akisussaaffeqarsimagaanni ajunngilaq
- Ulapaarfiusumi ulluinnarni iluarisimaarluni sulisartoq
- Qiimasoq, akisussaaqqissoq allanillu kajumissaarisinnaasoq
- Pisiniarfimmi alliartortumi angalanermut pissanganartumut peqataarusuttoq
Neqeroorutigaarput:
- Suliffeqarfimmi ineriartortumi pisortatut atorfik pissanganartoq
- Inuttut suliatigullu ineriartornissamut periarfissat pitsaasut
- Suleqatigiit nukittuut aammalu suliffimmi avatangiisit pitsaasut
- JYSK-ip pisiniarfiata nutaap angisuullu ammarneqarneranut ineriartortinneqarneranullu peqataasinnaaneq
Suleqatigerusuppitigut? Taava qinnuteqaatit ataani linki aqqutigalugu nassiuguk.
Atorfik pillugu apeqqutissaqaruit pisiniarfiup pisortaa Genesis Calara oqarasuaatikkut +299 32 58 10-imut imaluunniit mailikkut gec@pisiffik.gl-imut, imaluunniit centerimi pisortaq Mikkel Møller Bertelsen oqarasuaatikkut +299 26 30 61-imut imaluunniit mailikkut mibe@pisiffik.gl-imut attaveqarfigisinnaavatit.
Tusarnissat qilanaaraarput!
Pisiffik A/S pillugu Pisiffik A/S Kalaallit Nunaanni annikitsukkuutaartunik niuernermik suliffeqarfiit annersaraat, 56-inik pisiniarfeqarlunilu immikkoortortaqarfeqartoq aammalu 800-nik sulisoqarluni. Sulisutsinnut suliffittut pitsaanerpaajunissarput anguniarlugu sulivugut. Pisisartutta annikitsukkuutaartunik niuernermi suleqatissatut salliutitaattut inissisimanissarput anguniarparput, nioqqutissanik pitsaassusilinnik assigiinngitsorpassuarnik aammalu pisisartunik sullissinermik pitsaanerpaamik neqerooruteqarnikkut. Nutaanik ineriartortitsinikkut, piujuartitsinermik tunngaveqarnikkut aammalu najukkami inuiaqatigiinnut qanittumik attaveqarnikkut immikkut ittumik pisiniarnermillu misigisaqartitsinissaq suliassaraarput.