Torrak Fashion Sisimiut barselsvikarissarsiorpoq – kingorna tullersortitut ingerlaqqinnissinnaalluni
Atisanik nutaaliaasunik soqutiginnippit, akisussaaffeqarusuppillu? Torrak Fashion Sisimiuni barsilersup sinnerlugu sulisussamik suliamut piumassuseqartumik ujartuivoq. Barsilernerup naanerani pisiniarfimmi tullersortitut ingerlaqqissaatit. Taamaalilluni atorfiuvoq aalajangersimasoq, aallartilluarfigisinnaasat, pisiniarfimmillu, suleqatinnik aammalu sullitanik iluamik ilisarisimasaqalersitsisoq.
Suliassat pingaarnerit
- Pisiniarfiup ulluinnarni ingerlanneqarneranik aqutsineq
- Sulisut suliassaannik pilersaarusiorneq aammalu agguaassineq
- Sulisut suliffissaannik piffissalersuineq (vagtplan)
- Pisiffiup immikkoortortaqarfianut (Indkøb) attaveqartarneq aammalu suleqateqarneq
- Nioqqutissat inniminneqartut aammalu tikittut pillugit malinnaaneq
- Nioqqutissanik ilioqqaaneq aammalu pisiniarfiup kusanartuunissaanik torersuunissaanillu qulakkeerinninneq
- Sullitanik pitsaasumik sullissinerup qulakkeernissaa
- Pisiniarfiup ulluinnarni ingerlanneqarneranut akisussaaneq
Ilinnut naatsorsuutigaarput
- Pisiniarfimmi sulinermi misilittagaqarnerit, pingaartumik atisanik, skuunik imaluunniit modemik
- Sullissinissamut piumassuseqarnerit, qungujulasuunerit aammalu sullitanik oqaloqateqarsinnaalluarnerit
- Akisussaassuseqarnerit, aalajaatsuunerit aammalu aalajangiisinnaanerit
- Aqutsisutut ineriartorusunnerit
- Kalaallisut aamma/imaluunniit qallunaatut oqaluttarnerit. Tuluttut oqaluttarsinnaaneq iluaqutaavoq
Neqeroorutigaarput
- Kalaallit Nunaanni pisiniarfeqarfiit annersaanni atorfik soqutiginartoq
- Barsilernerup naanerani souschefitut atorfik aalajangersimasoq
- Ilinniartitaaneq aammalu suliami namminerlu ineriartornissamut periarfissaq
- Suleqatit ajunngitsut aammalu suleqatigiinneq nuannersoq
- Akissarsiat piginnaasanut naapertuuttut
Atorfinitsitsinermi atugassarititaasut: Barsilersup sinnerlugu sulisussap piaarnerpaamik atorfinitsinneqarnissaa kissaatigineqarpoq, kingorna souschefitut aalajangersimasumik atorfeqalissalluni.
Paasisaqarnerorusuppit? Tuniniaanermi pisortaq Gerth Kristoffersen e-mail-ikkut gkr@pisiffik.gl imaluunniit Torrak Fashion-ip oqarasuaataanut +299 86 25 01 attavigisinnaavatit.
Qinnuteqaat: Qinnuteqaatit, CV-it aammalu innersuussutit (udtalelser) ataani linki aqqutigalugu nassiukkit.