Pisiffik SB Sismiuni tuniniaanermi aqutsisussarsiorpoq
Pisiniarfimmi ulluinnarni ingerlatsinermut, tuniniaanermut aammalu pisinianik pitsaasumik sullissinermut peqataarusuppit? Suleqatiginnillaqqissuullutillu akisussaassuseqarlutit suleriaaseqarsinnaavit?
Atorfik pillugu
Pisiniarfimmi tuniniaanermi aqutsisutut aamma nioqqutissalerisutut ulluinnarni pisiniarfiup ingerlanneqarnerani pingaarutilimmik inissisimassaatit. Pisiniartunut nuannersumik niuernermik misigisaqartitsissaatit, pisiniarfiullu eqqiluitsuunissaa, iseruminartuunissaa aammalu nioqqutissat takujuminartumik pitsaasumillu saqqummersinneqarnissaat qulakkeeqataaffigissallugu.
Aammattaaq suleqatit peqatigalugit pitsaasumik suliffimmi avatangiiseqarnermik pilersitseqataassaatit.
Suliassat akisussaaffiillu
Ilaatigut makku suliassat akisussaaffigissavatit:
- Pisinianik inussiarnersumik sullissineq, siunnersuisarneq
- Nioqqutissanik tigusineq, immiineq aammalu sassaalliutissanik (smagsprøve-nik) suliaqartarneq
- Nioqqutissat eqqortumik akilersinneqarnissaat qulakkiissallugu
- Nioqqutissat ulluinik misissuineq
- Pisiniarfiup torersuunissaa eqqiluitsuunissaalu isumagalugu
- Nioqqutissat takujuminartumik pilerisaarinartumillu inissinneqarnissaat
- Nioqqutissanik inniminniineq
- Karsimi ikiuunneq aammalu pisariaqartillugu immikkoortortaqarfinni allani ikiuunneq
- Nioqqutissanik ilusilersuinermi tuniniaanermilu suliniutinut peqataaneq
- Suleqatit suleqatigalugit suliassanik agguaaneq
- Suleqatit nakkutigalugit piginnaasaannik ineriartortitseqataaneq
- Aqutsisumit suliakkiunneqartut kiisalu nammineq suliakkiussanik naammassinninneq
- Ammaanermi matusinermilu kisitsineq, aningaasanillu isumannaatsumik inissiineq
- Sulisussarsiorsinnaasoq
Ilinnit naatsorsuutigaarput
Naatsorsuutigaarput:
- Inussiarnersuusutit sullisserusullutillu
- Pisiniartunik suleqatinnillu attaveqallaqqissuusutit
- Aalaakkaasutit akisussaassuseqarlutillu
- Aaqqissuussaasumik suleriuseqartutit aammalu suliassanik arlalinnik ataatsikkut isiginnissinnaasutit
- Sungiussiasuusutit pisariaqartitsisoqarneranilu ikiuunnissamut piareersimasutit
- Unneqqarissuullutillu tatiginartuusutit, peqqissaarlutit sulisarlutillu
- Namminersortumik sulisinnaasutit aammalu suleqatigiilluarsinnaasutit
- Kalaallisut qallunaatullu oqalussinnaasutit. Tuluttut oqalussinnaaneq iluaqutaassaaq, piumasaqaataananili
- IT-mut tunngasunik misilittagaqartuusutit
Niuernerup silarsuaani misilittagaqarnissat iluaqutaassaaq, piumasaqaataananili. Aamma inuussutissanut, tuniniaanermut kiffartuussinermullu ilisimasaqarnissat iluaqutaassaaq.
Uagut neqeroorutigaarput:
- Suliffik pissanganartoq suliffeqarfimmi suleqatigiinneq ineriartornerlu ukkatarineqartumi
- Suliamut tunngatillugu inuttullu ineriartornissamut periarfissat
- Suleqatit pikkorissut tunniusimasullu
- Suliffik nuannersoq pitsaasumillu suleqatigiiffiusoq
Sulilerfissaq Piaartumik isumaqatigiissuteqarnikkulluunniit.
Qinnuteqarfissap killiliussaq kingulleq: 30. November 2026.
Atorfik pillugu Pisiniarfimmi aqutsisoq Birgithe Lynge attavigisinnaavat uunga: +299 86 41 41
Qinnuteqaatit ataani linki aqqutigalugu nassiuguk.
Tusagaqarfiginissat qilanaaraarput!
Pisiffik A/S-i pillugu:
Pisiffik A/S-i tassaavoq 56-inik pisiniarfittalik/immikkoortortalik 800-nillu sulisulik. Sulisunut suliffik pitsaanerpaajunissarput sulissutigiuarparput. Ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissarput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaralugu.