Food Service Greenland pisiortussarsiorpoq
Qulakkeerusuppiuk nioqqutissat eqqortut piffissaq eqqorlugu sumiiffimmi eqqortumiinnissaat?
Food Service Greenland pisiortussarsiorpoq aaqqissuussilluarsinnaasumik suliniartumillu. Pisiortussaq pisiniarnitsinnut akisussaassaaq, Kalaallit Nunaannilu tamarmi pisisartuttinnut nioqqutissanik pilersuineq aalaakkaasoq qulakkiissallugu.
Pisiortutut suleqatigiinnut pingaarutilimmik ilaassaatit. Tassani suleqatigiinneq, ataatsimut isiginninneq pisisartunullu attaveqarluarneq pingaartinneqarput. Nioqqutissaatitsinnut pilersuisunullu suleqatigiinnitsinnut sunniuteqarsinnaassaatit. Aammalu Kalaallit Nunaata kisimi neqeroorutigisinnaasaanik assartuinermik aaqqissuussinermi sulissaatit.
Akisussaaffiit pingaarnerpaat:
- Pisiniarnerit pilersaarusiorlugit ingerlallugillu, nioqqutissaq eqqortoq amerlassutsimi eqqortumi peqarfigisassagatsigu
- Pilersuisunik attaveqarneq, akinik isumaqatiginninniarneq isumaqatigiissutinillu malinnaaneq
- Quersuarni nioqqutissat peqassusiinik nakkutiginninneq, pisiniarnerillu umiarsuit assartuinerullu pilersaarutaat tunngavigalugit pilersaarusiorlugit
- Nioqqutissaatit tuniniaasut pisisartullu peqatigalugit suliarineqartassapput, food service-imi niuerfimmut naleqqussarlugit
- Nioqqutissanik tunniussinerit, pitsaassusaat aamma ajortumik pisimasut malinnaaffigalugit
- Pisiniarnermi suleriaatsit aaqqissuussallu pitsanngorsarnissaannut peqataaneq
Ujarlerparput:
- Pisiniarnermi misilittagalik, pingaartumik inuussutissanut, food service-imut imaluunniit niuertarfimmi tuniniaanermut tunngasunik
- Misissueqqissaarsinnaasoq, aaqqissuussilluni sulisartoq, sulisoqarluartillugulu ataatsimut isiginnittuartoq
- Isumaqatiginninniarsinnaalluartoq attaveqatigiilluarnernillu pilersitsisinnaasoq
- Qarasaasiamik atuinermut ilisimaarinnittoq ERP-ilu aaqqissuussaanik ilisimasalik. D365 atortarparput
- Namminersorluni sulisinnaasoq, suliniuteqartartoq ajornartorsiutinillu pilersut aaqqiisartoq
- Qallunaatut paasinarluartumik oqaluttoq, tuluttullu aamma ajunngitsumik. Kalaallisut aamma oqaluttuuguit iluaqutaavoq
Neqeroorutigaarput:
- Suliffik soqutiginartoq akisussaaffilik ineriartornissamullu periarfissalik
- Ataqatigiilluarneq suleqatillu ikiuukkusuttut
- Pisiniarnitsinnut pilersuisunullu suleqatigiinnitsinnut sunniuteqarsinnaaneq
- Akissarsiat piginnaasanut naapertuuttut Pisiffimmilu sulisunut iluaqutissat
Illiunerpit pisiortortaarisassarput? Taava qinnuteqaatit CV-itillu ataani linkikkut nassiukkit.
Aallartinnissaq: Sapinngisamik piaarnerpaamik, kisianni inuttassaq eqqortoq utaqqerusupparput. Oqaloqatiginninnerit ingerlaavartumik ingerlanneqartassapput.
Atorfimmut tunngasunik apeqqutissaqaruit, pisiortoq Eva Larsen e-mailikkut evl@fsg.gl(åbnes i et nyt vindue) imaluunniit oqarasuaatikkut +299 56 41 08 attavigisinnaavat.
Illinnit tusarnissarput qilanaaraarput!
Food Service – Ataatsimoorluta pisisartunut misigisanik pitsaasunik pilersitsisarpugut.
Food Service-imi qaqugukkulluunniit kiffartuussinerup pitsaassutsillu pitsaanerpaat tunniunniartarpavut. Inuussutissanik inuussutissaanngitsunillu tamanik pilersuisarpugut. Suliffeqarfiit mikisut angisuullu tamarmik suliffeqarfimminnut nioqqutissamik naleqquttumik nassaarsinnaapput. Kalaallit Nunaanni siuttuuvugut nioqqutissanik amerlasuunik tuniniaanermi sulisunut tamakkiisumik pilersuisutut. Naatsumik oqaatigalugu, nioqqutissat amerlasuut tuniniarneqarnerat immikkut ittoq.