JYSK Sarfaarsuit Centerimi marlunnik tuniiaanermi aqutsiussarsorput

Pisiniarfimmi sulisoqarluartumi sulerusuppit, pisisartut angerlarsimaffimminnut neqeroorutinik pitsaasunik aaqqiissutinillu ujaasiffigisaanni? Suleqatigiillu sulerusussusillit peqatigalugit tuniniaanermi siuttuurusuppit?

Atorfiit pillugit

JYSK Sarfaarsuit Center-imi tuniniaanermi aqutsisussanik marlunnik ujarlerpugut. Tuniniaanermi aqutsisutut pisiniarfiup ulluinnarni ingerlanneqarneranut tuniniaanermullu pingaarutilimmik inissisimassaatit. Pisisartut eqqortumik nassaarnissaannut ikiortassavatit, siniffimmik nutaamik, siniffimmi atortunik, inissiami atortorissaarutinik pequtinilluunniit pisiniarunik. Qulakkiissavat pisisartut pisiniarnerminni misigisaqarluarnissaat. Pisiniarfik aaqqissuussaassaaq kajungernartuussallunilu, neqeroorutillu pisisartunit takussaalluassapput.

Tuniniaanermi siuttuussaatit, suleqatitillu kajumissaartassavatit. Tuniniaanermi aqutsisoq alla pisiniarfimmilu pisortaq peqatigalugit sulinermi avatangiisinik pitsaasunik pilersitsissaatit.

Suliassatit

Pisisartut tuniniaanerlu

• Pisisartunik siunnersuineq ilitsersuinerlu, assersuutigalugu siniffiit, matrassit, ulikkat akisuillu pillugit
• Pisiniarfiup tuniniaanermi anguniagaasa anguneqarnissaat angusallu malinnaaffiginerat
• Pequtinik ilaliussanik tuniniaaneq pisisartup pisiniarneranut ilaasoq
• Pisisartut inniminniissutaannik, naammagittaalliuutinik utertitanillu isumaginninneq
• Pisariaqartitsisoqartillugu akiliivimmi ikiuineq

Nioqqutissat pisiniarfillu

• Nioqqutissanik tigusineq ilioraanerlu, pisiniarfimmilu pisortaq peqatigalugu inniminniineq
• JYSK-ip periaasia malillugu neqeroorutinik (kampagner) inissiisarneq
• Nioqqutissat takussaalluartumik tuniniarneqarnissaannullu iluaqutaasumik inissinneqarnerat
• Nioqqutissat eqqortumik nalunaarsorneqarnissaasa akinillu nalunaaqutsersorneqarnissaasa qulakkeernissaa
• Pisiniarfiup eqqiluisaarnissaa aaqqissuussaanissaalu

Aqutsineq akisussaaffillu

• Suliassanik pilersaarusiorneq agguaassinerlu, sulinerullu malinnaaffiginera
• Suleqatit tuniniaanermi piginnaasaasa ilinniartinnissaat ineriartortinnissaallu
• Sulisussanik nutaanik atorfinitsitsinermi peqataaneq
• Ammaanermi matunermilu kisitsineq, aningaasallu isumannaatsumik passunneqarnissaat toqqortarineqarnissaallu
• Pisiniarfimmi pisortaq peqanngikkaangat pisiniarfimmut akisussaaneq
• Pisiniarfimmi pisortap suliassanik tunniussaanik suliaqarneq, nammineerlutillu suliniuteqartarneq

Ilinnut naatsorsuutigaarput:

• Tuniniaanermi pisisartunillu kiffartuussinermi misilittagalik
• Allanik aqutsinissamut kajumissaarinissamullu piumassuseqartoq
• Angusaqarusuttoq anguniakkanillu angusinissamut kajumissuseqartoq
• Inussiarnersuusoq kiffartuussilluarusuttorlu, pisisartunillu suleqatinillu oqaloqateqarluarsinnaasoq
• Aalaakkaasoq, sallusuitsoq, tatiginartoq aaqqissuussillunilu sulisartoq
• Naleqqussarsinnaasoq pisariaqartitsisoqartillugulu ikiorusuttoq
• Kalaallisut qallunaatullu oqaluttoq. Tuluttut aamma oqaluttuuguit iluaqutaavoq, piumasaqaataanngilarli
• Qarasaasiamik atuinermut ilisimaarinnittoq

Aqutsisutut misilittagaqarneq niuertarfimmilu sulisimaneq iluaqutaassapput, piumasaqaataanngillalli.

Neqeroorutigaarput:

• Suliffik soqutiginartoq akisussaaffilik suliffeqarfimmi suleqatigiinnermik ineriartornermillu pingaartitsisumi
• Suliamut tunngasumik inuttullu ineriartornissamut periarfissat
• Suleqatit piginnaasallit sulerusussusillillu
• Suliffik ataqatigiilluartoq
• Akissarsiat piginnaasanut naapertuuttut Pisiffimmilu sulisunut iluaqutissat

Aallartinnissaq: Sapinngisamik piaarnerpaamik imaluunniit isumaqatigiissutigisamik.

Atorfiit pillugit paasisaqarnerorusukkuit, centerimi pisortaq Mikkel Møller Bertelsen oqarasuaatikkut +299 26 30 612 imaluunniit mail-kkut mibe@pisiffik.gl attavigisinnaavat.

Qinnuteqaatit ataani linkikkut nassiukkit.

Illinnit tusarnissarput qilanaaraarput!

Pisiffik A/S pillugu

Pisiffik A/S Kalaallit Nunaanni niuertarfeqarfiit annersaraat, pisiniarfeqarluni immikkoortoqarlunilu 56-inik sulisoqarlunilu 800-nik. Sulisuttinnut suliffiunissaq pitsaanerpaaq anguniagaraarput.

Pisisartuttinnut niuertarfittut toqqarneqartarnerpaanissaq anguniagaraarput, nioqqutissanik pitsaasunik assigiinngitsorpassuarnik kiffartuussilluarnermillu neqerooruteqarluta. Siunertarput tassaavoq pisiniarnermi misigisanik immikkut ittunik pilersitsinissaq nutaaliornikkut, piujuartitsinikkut najukkanilu inuiaqatigiinnut attaveqarluarnikkut.