ILVA Sarfaarsuit Centerimi tuniniaanermi aqutsisussarsiorpoq
Inissiap aaqqissuunneranik pisisartunillu kiffartuussilluarnermik soqutiginnippit? Tuniniaanermi siuttuunissamut, pisisartullu angerlarsimaffimmik nuannarisaminnik pilersitsinissaannut ikiuinissamut piumassuseqarpit?
Atorfik pillugu
Tuniniaanermi aqutsisutut ILVA Sarfaarsuit Centerimi pisiniarfiup ulluinnarni ingerlanneqarneranut tuniniaanermullu pingaarutilimmik inissisimassaatit. Pisisartut inissiami atortorissaarutit (møbler) inissiallu aaqqissuunnera pillugit siunnersortassavatit, qulakkiissallugulu pisiniarnerminni misigisaqarluarnissaat. Pisiniarfik kajungernartuussaaq, inissiamilu atortorissaarutit pequtillu kajumissaarisumik tuniniarneqarnissaannullu iluaqutaasumik saqqummiunneqassapput.
Tuniniaanermi siuttuussaatit, suleqatitit kajumissaartassavatit, peqatigalugillu sulinermi avatangiisinik pitsaasunik pilersitsissaatit.
Suliassatit
Pisisartut tuniniaanerlu
- Pisisartunik inissiami atortorissaarutit, inissiap aaqqissuunnera pequtillu pillugit siunnersuineq ilitsersuinerlu
- Pisiniarfiup tuniniaanermi anguniagaasa anguneqarnissaat angusallu malinnaaffiginerat
- Pequtinik, assartuinermik kiffartuussinermillu tuniniaaneq pisisartup pisiniarneranut ilaasoq
- Pisisartut inniminniissutaannik, naammagittaalliuutinik utertitanillu isumaginninneq
- Pisariaqartitsisoqartillugu akiliivimmi ikiuineq
Nioqqutissat pisiniarfillu
- Pisiniarfimmi pisortaq peqatigalugu nioqqutissanik inniminniineq tigusinerlu
- Saqqummersitsinernik aaqqissuussineq, nioqqutissallu kajumissaarisumik tuniniarneqarnissaannullu iluaqutaasumik inissinneqarnerat
- Nioqqutissat eqqortumik nalunaarsorneqarnissaasa akinillu nalunaaqutsersorneqarnissaasa qulakkeernissaa
- Pisiniarfimmi neqeroorutit (kampagner) ilisimatitsissutillu (skiltning)
- Pisiniarfiup eqqiluisaarnissaa aaqqissuussaanissaalu
Aqutsineq akisussaaffillu
- Suliassanik pilersaarusiorneq agguaassinerlu, sulinerullu malinnaaffiginera
- Suleqatit tuniniaanermi piginnaasaasa ilinniartinnissaat ineriartortinnissaallu
- Sulisussanik nutaanik atorfinitsitsinermi peqataaneq
- Ammaanermi matunermilu kisitsineq, aningaasallu isumannaatsumik passunneqarnissaat toqqortarineqarnissaallu
- Pisiniarfimmi pisortap suliassanik tunniussaanik suliaqarneq, nammineerlutillu suliniuteqartarneq
Ilinnut naatsorsuutigaarput:
- Tuniniaanermi pisisartunillu kiffartuussinermi misilittagalik
- Allanik aqutsinissamut kajumissaarinissamullu piumassuseqartoq
- Angusaqarusuttoq, inissiallu aaqqissuunneranik ilusilersuinermillu (design) paasinnittoq
- Inussiarnersuusoq kiffartuussilluarusuttorlu, pisisartunillu suleqatinillu oqaloqateqarluarsinnaasoq
- Aalaakkaasoq, sallusuitsoq, tatiginartoq aaqqissuussillunilu sulisartoq
- Naleqqussarsinnaasoq pisariaqartitsisoqartillugulu ikiorusuttoq
- Kalaallisut qallunaatullu oqaluttoq. Tuluttut aamma oqaluttuuguit iluaqutaavoq, piumasaqaataanngilarli
- Qarasaasiamik atuinermut ilisimaarinnittoq
Aqutsisutut misilittagaqarneq, inissiamilu atortorissaarutinik inissiallu aaqqissuunneranik ilisimasaqarneq iluaqutaassapput, piumasaqaataanngillalli.
Neqeroorutigaarput:
- Suliffik soqutiginartoq akisussaaffilik suliffeqarfimmi suleqatigiinnermik ineriartornermillu pingaartitsisumi
- Suliamut tunngasumik inuttullu ineriartornissamut periarfissat
- Suleqatit piginnaasallit sulerusussusillillu
- Suliffik ataqatigiilluartoq
- Akissarsiat piginnaasanut naapertuuttut Pisiffimmilu sulisunut iluaqutissat
Aallartinnissaq: Sapinngisamik piaarnerpaamik imaluunniit isumaqatigiissutigisamik.
Atorfik pillugu paasisaqarnerorusukkuit, Centerimi Pisortaq Mikkel Møller Bertelsen oqarasuaatikkut +299 26 30 61 imaluunniit mail-kkut mibe@pisiffik.gl attavigisinnaavat.
Qinnuteqaatit ataani linkikkut nassiukkit.
Illinnit tusarnissarput qilanaaraarput!
Pisiffik A/S pillugu
Pisiffik A/S Kalaallit Nunaanni niuertarfeqarfiit annersaraat, pisiniarfeqarluni immikkoortoqarlunilu 56-inik sulisoqarlunilu 800-nik. Sulisuttinnut suliffiunissaq pitsaanerpaaq anguniagaraarput.
Pisisartuttinnut niuertarfittut toqqarneqartarnerpaanissaq anguniagaraarput, nioqqutissanik pitsaasunik assigiinngitsorpassuarnik kiffartuussilluarnermillu neqerooruteqarluta. Siunertarput tassaavoq pisiniarnermi misigisanik immikkut ittunik pilersitsinissaq nutaaliornikkut, piujuartitsinikkut najukkanilu inuiaqatigiinnut attaveqarluarnikkut.