Pisiffik Sarfaarsuit Centerimi Kolonial-mut tuniniaanermi aqutsisussarsiorpoq
Immikkoortumut angisuumut ataatsimut isiginnissinnaavit, pilloqqallu nioqqutissanik ulikkaarnissaat qulakkeersinnaaviuk? Suleqatigiilluarsinnaavit, akisussaaffimmillu tigusisarpit?
Atorfik pillugu
Kolonial-imi immikkoortumi tuniniaanermi aqutsisutut pisiniarfiup ulluinnarni ingerlanneqarneranut pingaarutilimmik inissisimassaatit. Qulakkiissavat pisisartut pisiniarnerminni misigisaqarluarnissaat, nioqqutissallu pisariaqartitatik nassaarisinnaajuarnissaat. Immikkoortoq aaqqissuussaassaaq kajungernartuussallunilu, nioqqutissallu takussaalluartumik kusanartumillu saqqummiunneqassapput.
Suliassat agguaanneqassatillugit siuttuussaatit, suleqatitillu peqatigalugit sulinermi avatangiisinik pitsaasunik pilersitsissaatit.
Suliassatit
Pisisartut tuniniaanerlu
- Pisisartunik inussiarnersumik kiffartuussineq siunnersuinerlu
- Immikkoortup tuniniaanermi anguniagaasa anguneqarnissaat angusallu malinnaaffiginerat
- Neqeroorutinik (kampagner) pilloqqallu naggataanni saqqummiussinernik (endegavle) inissiisarneq
- Pisariaqartitsisoqartillugu akiliivimmi immikkoortunilu allani ikiuineq
Nioqqutissat immikkoortorlu
- Tuniniaaneq, quersuarni peqassuseq umiarsuillu assartuinerullu pilersaarutaat tunngavigalugit nioqqutissanik inniminniineq
- Nioqqutissanik tigusineq ilioraanerlu
- Quersuarmut ataatsimut isiginninneq, nioqqutissallu kingusinnerusukkut tikiussallutik inniminnerneqarsimasut malinnaaffiginerat
- Nioqqutissat atorsinnaanerisa killingisa nakkutiginerat annaasallu (svind) malinnaaffiginerat
- Nioqqutissat eqqortumik nalunaarsorneqarnissaasa akinillu nalunaaqutsersorneqarnissaasa qulakkeernissaa
- Nioqqutissat takussaalluartumik tuniniarneqarnissaannullu iluaqutaasumik inissinneqarnerat
- Immikkoortup quersuullu eqqiluisaarnissaa aaqqissuussaanissaalu
Aqutsineq akisussaaffillu
- Suleqatit peqatigalugit suliassanik agguaassineq sulinerallu malinnaaffiginera
- Suleqatit piginnaasaasa ilinniartinnissaat ineriartortinnissaallu
- Sulisussanik nutaanik atorfinitsitsinermi peqataaneq
- Ammaanermi matunermilu kisitsineq, aningaasallu isumannaatsumik passunneqarnissaat toqqortarineqarnissaallu
- Pisiniarfimmi pisortap suliassanik tunniussaanik suliaqarneq, nammineerlutillu suliniuteqartarneq
Ilinnut naatsorsuutigaarput:
- Inussiarnersuusoq kiffartuussilluarusuttorlu
- Allanik aqutsinissamut kajumissaarinissamullu piumassuseqartoq
- Ataatsimut isiginnissinnaasoq siumullu pilersaarusiorsinnaasoq
- Pisisartunik suleqatinillu oqaloqateqarluarsinnaasoq
- Aalaakkaasoq, sallusuitsoq, tatiginartoq sukumiisumillu sulisartoq
- Aaqqissuussilluni sulisartoq suliassanillu arlalinnik ataatsikkut isumaginnissinnaasoq
- Naleqqussarsinnaasoq pisariaqartitsisoqartillugulu ikiorusuttoq
- Kalaallisut qallunaatullu oqaluttoq. Tuluttut aamma oqaluttuuguit iluaqutaavoq, piumasaqaataanngilarli
- Qarasaasiamik atuinermut ilisimaarinnittoq
Niuertarfimmi sulisimaneq aammalu nioqqutissanik inniminniinermik quersuarnillu aqutsinermik ilisimasaqarneq iluaqutaassapput, piumasaqaataanngillalli.
Neqeroorutigaarput:
- Suliffik soqutiginartoq akisussaaffilik suliffeqarfimmi suleqatigiinnermik ineriartornermillu pingaartitsisumi
- Suliamut tunngasumik inuttullu ineriartornissamut periarfissat
- Suleqatit piginnaasallit sulerusussusillillu
- Suliffik ataqatigiilluartoq
- Akissarsiat piginnaasanut naapertuuttut Pisiffimmilu sulisunut iluaqutissat
Aallartinnissaq: Sapinngisamik piaarnerpaamik imaluunniit isumaqatigiissutigisamik.
Atorfik pillugu paasisaqarnerorusukkuit, Mikkel Møller Bertelsen oqarasuaatikkut +299 26 30 61 imaluunniit e-mailikkut mibe@pisiffik.gl attavigisinnaavat.
Qinnuteqaatit ataani linkikkut nassiukkit.
Illinnit tusarnissarput qilanaaraarput!
Pisiffik A/S pillugu
Pisiffik A/S Kalaallit Nunaanni niuertarfeqarfiit annersaraat, pisiniarfeqarluni immikkoortoqarlunilu 56-inik sulisoqarlunilu 800-nik. Sulisuttinnut suliffiunissaq pitsaanerpaaq anguniagaraarput.
Pisisartuttinnut niuertarfittut toqqarneqartarnerpaanissaq anguniagaraarput, nioqqutissanik pitsaasunik assigiinngitsorpassuarnik kiffartuussilluarnermillu neqerooruteqarluta. Siunertarput tassaavoq pisiniarnermi misigisanik immikkut ittunik pilersitsinissaq nutaaliornikkut, piujuartitsinikkut najukkanilu inuiaqatigiinnut attaveqarluarnikkut.